22. juli-senteret er ein statleg verksemd som er underlagd Kunnskapsdepartementet. Senteret arbeider i tråd med årlege tildelingsbrev. Overordna jobbar vi etter følgande mandat:
22. juli-senteret skal formidle kunnskap om terroråtaket i Regjeringskvartalet og på Utøya 22. juli 2011.
Gjennom utstillingar, undervising og dokumentasjon, vil 22. juli-senteret bidrage til ei historiemedviten forvalting av minne om terroråtaket, for skuleverket og allmenta.
Senteret skal leggje til rette for diskusjon og refleksjon om 22. juli 2011 og tilhøyrande tematikk, i lys av historiske og samtidige, nasjonale og globale spørsmål.
Gjennom undervising som vektlegg elevmedverknad, skal 22. juli-senteret bidrage til å styrkje demokratiske ferdigheiter og historiemedvit hos elevane, og medverke til at kunnskap om, årsaker til og konsekvensar av 22. juli 2011 formidlast til nye generasjonar.
Ana Rita Ferreira / 22. juli-senteret.