22. juli-senteret har sida byrjinga i 2015 arbeidd tett med samarbeidspartnarane våre i inn- og utland. Her finn du informasjon om nokre av dei.
AUF og Nasjonal støttegruppe etter 22. juli var initiativtakarar til eit informasjonssenter i Høgblokka i 2015, og er framleis viktige støttespelarar av senteret. Vi førar tett dialog i forbindelse med nye utstillingar, arrangement og ikkje minst i etableringa av det permanente senteret.
Vi er så heldige at vi har kontakt med mange enkeltpersonar som er direkte råka av 22. juli. Dei representerer ein uvurderleg ressurs og er bidragsytarar til utstillingar, i vitnesamtalar og i anna formidling.
Det er tette band mellom vår og Utøya si formidlingsaktivitet, trass sentrale skilnader mellom Utøya og 22. juli-senteret som læringsarenaar. Vi samarbeider med Det Europeiske Wergelandsenteret og Utøya AS både i utvikling av opplegg til undervising ved å halde felles lærarkurs og gjennom ulike minneprosjekt.
Les om samarbeidstilbodet Demokrativerkstad for 9. og 10. trinn.
Vi samarbeider med fleire norske lærarutdanningar, frå Tromsø i nord, til Bergen og Volda i vest, og Kristiansand i sør, i tillegg til fleire i Oslo og Østlandsområdet. Ved mange av lærarutdanningane er 22. juli-senteret og vårt lærarstudentkurs om korleis å undervise om 22. juli vorte ein fast del av utdanninga for studentane.
Sidan 2015 har 22. juli-senteret tatt vare på, og formidla spor og gjenstandar som på ulike vis ber med seg historier frå og om terroråtaket. Senteret samarbeider med ein rekkje museumsfaglege miljø som bidreg i arbeidet vårt med samlingsforvalting og bevaring.
Les meir om samarbeid knytt til samling og bevaring.
Vi inngår også i Nettverk for holdningsskapende formidling om demokrati, fred og menneskerettigheter og Nasjonalt museumsnettverk for demokrati og menneskerettigheter.
